夜倫敦♡
-
飛咗十幾個鐘之後終於到咗大英帝國啦இдஇ
落機又係去immigration，沿途見到好多辮辮人
-
講少少題外話啦，第二次見辮辮人先認認真真去check下
佢哋信奉哈雷迪猶太教，屬於最為保守嘅猶太教
佢哋出街就會suit up，戴高身紳士帽，髮鬢會留到好長同電鬈
同埋喺街多數見到男人係因為佢哋嘅女性唔可以隨便出街
講緊去街市買個餸問下價錢分分鐘已經係禁忌
所以見到嘅多數係男人
嗰時見到真係覺得好吸引目光
-
講返過immigration，officer好認真咁問我嚟英國做咩
又問我拎回程機票睇，酒店啊行程都有問
最搞笑係佢問我做咩，我答佢我係photographer😂
然後佢好似好佩服我咁（唔算講大話啦我喺香港都叫拎影相搵下飯食）
行李好似都唔洗等好耐，然後去到underground買oyster card
嘩，果然係最早有地下鐵嘅國家，真係好舊，仲要冇lift
搭車仲要冇signal，對21世紀嘅低頭族嚟講真係好折磨
同埋我又驚goggle map refresh唔切會落錯車
我嗰時一29吋一18吋一行山背囊一出街size背囊
不得不提嘅一定係英國人全部都好好好好gentle
係gentle到好難以致信嘅地步
例子一：我到咗hostel嗰個站之後我望住條樓梯真係鼓唔起勇氣行
咁我就諗住行2轉，一大一細咁拎上去
突然有個男人問我洗唔洗幫手，我好客氣咁話唔洗啦
（加上我睇過2-3個台灣blogger話外國其中一種騙案係幫你拎完上樓梯再問你拎返錢）
但佢堅持幫我，佢又係啱啱喺heathrow同車嚟，咁我唯有信佢
佢幫我拎起咗件29吋上去就bye，然後走咗
最最最surprise係有個大肚婆，真係已經八、九個月咁大
佢都問我洗唔洗幫手拎行李，我嗰一刻真係好驚訝
先唔講佢係大肚啦，喺香港就算你有10個篋我諗都唔會有人理你😂
好輕鬆但又少緊張咁上到地面之後，我第一件事就係除個行山背囊擺喺細篋上面拖
行咗一陣就到咗hostel，但夜已深，我費事嘈醒人所以特登拖個篋出走廊拎嘢梳洗（事實證明咗我嘅好心完全係多餘，日後嘅post一定會講(ꐦ°᷄д°᷅)
我印象中我沖完涼仲出返common area玩下電腦出咗instagram post，又報下平安先瞓
第一晚，完~
Search